مناشدة عاجله

مناشدة عاجلة :

‏‪ أنا أختكم وبنتكم وعرضكم وأنتم سندنا .. ما ضل حد غير ناشدته لعلاج زوجي الصحفي الجريح أحمد بكر اللوح من قطاع غزة ..

يا ترى ولا قائد ولا مسؤول شاف مناشدتي ويوصلها لأبي الغالي والحنون فخامة الرئيس محمود عباس رئيس دولة فلسطين رمز الشرعية الفلسطينية..

اعتبروني عابرة سبيل وسألتكم وبحاجة لمساعدتكم 

اعتبروني بنتكم وأحمد ابنكم شو راح تعملو .. 

أنا لا بطلب فلوس ولا أكل ولا بتسول انا بطلب حق شرعي لعلاج زوجي يا عالم كفى ذل كفى يصير بزوجي هيك 

استحلفكم بالله تعالو عنا ليلة وحدة وشوفو كيف ما بنام الليل من الألم ويبكي متل الطفل الصغير 

إلى متى سيظل حاله هكذا

استصرخكم وأستصرخ ضمائركم الحية وقلوبكم الرحيمة أنقذوا عين أحمد التانية قبل فوات الأوان 😭😭😭       

وصلوا رسالتي لرمز الشرعية الفلسطينية الرئيس أبو مازن لعمل ما يلزم أحمد للسفر

معبر رفح حيفتح بعد بكرة شو صار بموضوع أحمد لغاية الآن ولا شي 

قبل المعبر كانت صفقة القرن وما سافر أحمد.. أجت بعدها الخناق على السلطة الفلسطينية وما سافر أحمد وبعدها كورونا وما سافر أحمد وبعدها إغلاق المعابر بسبب استمرار كورونا وما سافر أحمد وهي المعبر حيفتح هل يسافر أحمد للعلاج ؟؟!! 😭😭

كفاني حكي لأن البكاء سبق الكلام ولم تجف لنا دمعة واحنا شايفين أحمد بتعذب

رسالتي الأخيرة.. فيدونا هل راح يسافر أحمد اللوح للعلاج والا ننسى الأمر ونتركه انا يفقد عينو التانية 

واعتبروني بطلت انزل مناشدات على أي مجموعة وأعتقد موضوع زوجي الصحفي الجريح أحمد بكر اللوح من قطاع غزة صار الكل بعرف فيه 

بس بدي قولها وما بخاف اذا صار شي لأحمد لا سمح الله 

ان اسامح أحد 

اتمنى توصل رسالتي لعلاج زوجي لرمز الشرعية الفلسطينية الرئيس محمود عباس رئيس دولة فلسطين وأيضا لنقيب الصحفيين الدكتور ناصر أبو بكر 😭😭